مغير ايدسن

للشاعر امحمد الغزالي بن عيسى

مغير ايدسّن *** وهن في امواجع واجدات يحسّن



للناس ما شـــــــكن راهــــــــن



اشـــــــداد عزايـــــــم *** وديمه إيعدن في ملام اللايــــم

وحتى والبياد اوقات مايتلائم *** شامخات بحمول الجبال يرسّن

وعارفات مادائم امغير الدايم *** وما من امعادي قاسهن وايسّن

وإن كانهن زهن الأيام بعد غمايم *** علي قديمهن مامن جيد ايكسن

إيبانن عليهن من بعيد علايم *** جميع المواجع والهموم اينسّـــــن

مغيــــــــــــــــر نكابر *** وصابر الصبر اللي تقولوا صــــــــــابر

دروب إلا مواجع بالعزايم عابر *** ولا ضم عليهن خيط عقل مرسّن

لا يقلني ياله سروح الشابر *** ولا يحطني وين الذيول إينسّن

ولاني حطب للشر ديما كابر *** ولا بزيف وجهي للعطيب نحسّن

نقول الحقيقة لو رقيت منابر *** لغير حكاوي زور يامه دسّـــــــن

مغيـــــــــــر يوارن *** وإن صـــــــار الاختيار الطيبه يختـــــــــارن

عصاره علي زهد الحياة يجّارن *** طعام الحرام حرام ما سايسن

الأنظار في طريق العز مايتبارن *** امفيت ما الله ما عمر والي حسّن

صار الخطا فيهن وهن ماسارن *** يوم فِ الخطاء لاع الخطاء يتوصّن

ولا سمعن كلمت سو بيها طارن *** أطرطش خوات إيدين وتحوسّن

يــــــــــامـــــا طامـــــر *** امواجع بهن ماعمرني نســـــــــامر

مفيت الصداقه في غماري غامر *** ع الجار والأصحاب زوالي نحبسّن

وع العادي نجي بالي حثر نضّامر *** مشاهيب نيراني أشعف قايسن

حتى لو هبن فيهن اتبات مجامر *** لقدوح نارهن حطب علي رامسّن

سوقي بخير الله ديما عامر *** وأنظــــــاري علي ســــوق العمار يعسّن